•     ປີ 2014 ແຂວງ​ມີ​ເນື້ອ​ທີ່​ປູກ​ເຂົ້າ​ທັງ​ໜົດ 80.180 ​ຮຕ. ມີ​ລະບົບ​ຊົນລະປະທານ​ໃຊ້​ໄດ້ 163 ​ແຫ່ງ, ສະໜອງ​ນ້ຳ​ໄດ້ 12.250 ​ຮຕ,(ມີ​ລະບົບ​ຊົນລະປະທານນ້ຳ​ໄຫຼ​ເຂົ້າ​ເອງປະຕູ​ນ້ຳ​ປ່ອງ​ທີ່ 3 ​ຫົດ​ເນື້ອ​ທີ່​ໄດ້ 2.700 ​ຮຕ ແລະ ສາມາດຂະຫຍາຍຕື່ມໄດ້ເຖິງ 30.000 ຮຕ).ປະຈຸບັນເນື້ອ​ທີ່​ປ່າ​ໄມ້​ປົກ​ຫຸ່ມ ກວມ 49%, ມີປ່າ​ສະຫງວນ​ແຫ່ງ​ຊາດ 3 ​ແຫ່ງ, ເນື້ອ​ທີ່ 577.000 ​ຮຕ ​ແລະ ​ເນື້ອ​ທີ່ປ່າ​ຜະລິດ 282.000 ​ຮຕ.

•    ມີ​​ແຮ່​ທາດ​ຫຼາຍ​ຊະນິດເຊັ່ນ: ຫີນ​ປູນ​ມີ​ເນື້ອ​ທີ່ກວມ 150.000 ຮຕ​, ບໍ່​ກົ່ວກວມ 11.500 ຮຕ,​ ເກືອ​ກາລີ​ກວມ 10.000 ຮຕ ​, ຫີນ​ກາວ​ມີ​ປະລິມານ​ຫຼາຍ​ກວ່າ 10 ລ້ານ​ໂຕນ ແລະ ແຮ່​ທາດຕ່າງໆໆ, ​ນ້ຳ​ເທີນ 2 ສ້າງ​ໂຮ​ງານ​ຜະ​ລິດ​ໄຟ​ຟ້າ​ສຳ​ເລັດ​ແລ້ວ 1.080 MW, ນ້ຳ​ເທີນ-ຫີນ​ບູນ​ສ້າງ​ສຳ​ເລັດ​ແລ້ວ 500 MW ແລະ ນ້ຳ​ຫີນບູນ  30 MW (ບ້ານທົ່ງ​ລົມ) ພວມກໍ່ສ້າງຄາດຄະເນ ທ້າຍປີ 2016 ໃຫ້ສຳເລັດ.

• ແຂວງຄຳມ່ວນ​ມີ​ດ່ານ​ສາກົນ 2 ​ແຫ່ງ,( ດ່ານ​ສາກົນ​ຂົວ​ມິດຕະພາບ 3  ​ແລະ ດ່ານ​ສາກົນ​ນາ​ເພົ້າ-ຈໍ​ຫຼໍ ) ເປັນປະຕູເຂົ້າ-ອອກລະຫວ່າງປະເທດຂອງຜູ້ໂດຍສານ, ພາຫະນະ, ສີນຄ້າ ແລະ ການທອ່ງທ່ຽວ,   ​ແຂວງ​ໄດ້​ກຳນົດ​ເຂດພັດທະນາພິເສດ​ເສດຖະກິດ ຢູ່ 2 ຈຸດ​ຄື: ​ເຂດ​ເສດຖະກິດ​ສະ​ເພາະທ່າ​ແຂກ (ເນື້ອ​ທີ່ 1.035 ​ຮຕ), ​ເຂດ​ເສດຖະກິດ​ພູ​ຂຽວ​ນະຄອນ (​ເນື້ອ​ທີ່ 4.500 ​ຮຕ) ​​ແລະ ​ເຂດ​ເສດຖະກິດການຄ້າ​ຊາຍ​ແດນ​ລັງ​ຄັງ (ມີ​ເນື້ອ​ທີ່ 500 ​ຮຕ ເພື່ອສົ່ງເສີມການຄ້າ, ການລົງທືນພາຍໃນ ແລະ ຕ່າງປະເທດ;

• ການ​ກໍ່ສ້າງ​ພື້ນຖານ​ໂຄງ​ລ່າງ​ເສັ້ນທາງ ຍັງມີບາງເຂດ​ບໍ່​​​ທົ່ວ​ເຖິງ​ໂດຍສະເພາະແມ່ນເຂດພູດອຍ​ຫ່າງ​ໄກ​ສອກຫຼີກ, ເສັ້ນທາງຫລວງແຫ່ງຊາດຍັງບໍທັນໄດ້ມາດຖານສາກົນ(ມາດຖານຮັບນຳ້ໜັກ ແລະ ຊ່ອງຈາລະຈອນແຄບ);.-  ການພັດທະນາຊັບພະຍາກອນມະນຸດໃຫ້ໄດ້ທາງດ້ານປະລີມານ ແລະ ຄຸນນະພາ​ບເພື່ອຕອບສະຫນອງໃຫ້ແກ່ການພັດທະນາ ແມ່ນມີຄວາມຈຳເປັນ;.-  ການຄຸ້ມຄອງ​ເກັບ​ລາຍ​ຮັບ​ເຂົ້າ​ງົບປະມານ​ຍັງ​ບໍທັນຄົບຖ້ວນຕາມລະບຽບກົດໝາຍ, ​ການລົງທືນກໍ່ສ້າງໂຄງການຂອງລັດ ແລະ ການຊຳ​ລະສະ​ສາງ​ໂຄງການ​ລົງທຶນ​ຍັງ​ມີຈຳກັດ ແລະ ​ເກີດ​ມີ​ໜີ້​ສິນ​ຄຸມ​ເຄືອ;..- ການວາງແຜນສໍາຫຼວດ-ຈັດສັນຊັບພະຍາກອນທຳມະຊາດເຊັ່ນ: ການຈັດສັນເນື້ອທີ່ດິນ, ປ່າໄມ້, ແຫຼ່ງນ້ຳ,ບໍ່​ແຮ່,  ​ແລະ ເນື້ອທີ່ດີນອື່ນໆ ບໍ່​ທັນ​ຊັດ​ເຈນ​ເພື່ອ​ກຳນົດ​ແຜນ​ນຳ​ໃຊ້​ໃນ​ຕໍ່ໜ້າ;..- ການຜະລິດເປັນສິນຄ້າຍັງມີໜ້ອຍບໍ່ທັນຕອບສະໜອງກັບຄວາມຕ້ອງການຂອງຕະຫຼາດ, ການລະດົມແຫຼ່ງທຶນຈາກພາກສ່ວນເອກະຊົນພາຍໃນ ແລະ ຕ່າງປະເທດເຂົ້າມາພັດທະນາຍັງບໍ່ທັນຫຼາຍ.​ ຈາກ​ຈຸດ​ພິ​ເສດ​ກາລະໂອກາດ ​ແລະ ສີ່ງທະທ່າຍດັ່ງທີ່ກ່າວມາຂ້າງເທີງນັ້ນ ແຂວງ​ຈຶ່ງ​ໄດ້​ກຳນົດ​ເອົາ 03 ທ່າ​ແຮງ ເພື່ອ​ການວາງ​ແຜນ​ພັດທະນາ​ເສດຖະກິດ-ສັງຄົມ​ຄື:-  ທ່າ​ແຮງ​ດ້ານ​ການຜະລິດ​ກະສິກຳ-ປ່າ​ໄມ້;.-  ທ່າ​ແຮງ​ດ້ານພະລັງງານ-ບໍ່​ແຮ່;.-  ທ່າ​ແຮງ​ດ້ານການບໍລິການ ​ແລະ ການທ່ອງທ່ຽວ;.

•   ວິ​ໄສ​ທັດ​ການພັດທະນາ​​ປີ 2030 ແຂວງ ຈະມີລາຍຮັບປານກາງສູງ, ລາຍຮັບສະເລ່ຍ 7.893 $/ຕໍ່/ຄົນ/ປີ;..-  ປີ 2025 ລາຍຮັບສະເລ່ຍ 4.729$/ຕໍ່/ຄົນ/ປີ;.-  ປີ 2020 ລາຍຮັບສະເລັ່ຍ 2.891$/ຄົນ/ປີ(ປະ​ຊາ​ກອນປະ​ມານ 483.599ຄົນ)   ສ້າງ​“ແຂວງ​ຄຳ​ມ່ວນ​ເປັນ​ແຫຼ່ງສະບຽງ​ອາຫານ, ​ເປັນ​ສູນກາງ​​ການ​ຄ້າ, ບໍລິການ ແແລະ ການທ່ອງທ່ຽວ ”ເພື່ອບັນລຸຄາດໝາຍດັ່ງກ່າວໄດ້​ກຳນົດ 10 ຍຸດ​ທະ​ສາດ 32 ແຜນງານ, 127 ໂຄງການ ແລະ 1.173 ໂຄງການຍ່ອຍຄື:1. ໂຄງການ​ຄ້ຳປະກັນ​ສະບຽງອາຫານ ​ແລະ ຜະລິດ​ເປັນ​ສິນຄ້າ, ​ສະໜອງ​ສະບຽງ​ອາຫານໃຫ້ພຽງພໍ​ເພື່ອປຸງ​ແຕ່ງ​ເປັນ​ສິນຄ້າ​ຮັບ​ໃຊ້​ພາຍ​ໃນ ​ແລະ ສົ່ງ​ອອ;.2. ຍຸດທະສາດການ​ປົກ​ປັກ​ຮັກ​ສາຊັບພະຍາກອນທຳ​ມະ​ຊາດ ​ແລະ ນຳ​ໃຊ້​ແບບ​ຍືນ​ຍົງ, ​ຮັບປະກັນ​​ໃຫ້ການ​ພັດທະນາ​ເສດຖະກິດ​-​ສັງຄົມ ​ແລະ ປົກ​ປັກ​ຮັກສາ​ສິ່ງ​ແວດ​ລ້ອມໃຫ້​ສົມ​ດູນ;.3. ຍຸດທະສາດການ​ພັດທະນາ​ຊັບພະຍາກອນ​ມະນຸດ ​ຍົກ​ລະດັບ​ຄວາມ​ຮູ້​ຄວາມ​ສາມາດຂອງ​ປະຊາຊົນ, ພະນັກງານ​ລັດຖະກອນ, ​ໃຫ້​ທຽບ​ເທົ່າ​ກັບ​ສາກົນ;.4. ຍຸດທະສາດການ​ພັດທະນາ​ຊົນນະບົດ, ​ສ້າງຄອບຄົວ ແລະ ບ້ານ​ພັດທະນາ, ​ສ້າງຈຸດ​ສຸມ​ໃຫ້​ກາຍ​ເປັນ​ບ້ານ​ໃຫຍ່​ ແລະ ​ຕົວ​ເມືອງ​ນ້ອຍຢູ່​ຊົນ​ນະ​ບົດ ແລະ ສ້າງ​ເມືອງເມືອງ​ພັດທະນາ;. ​5. ຍຸດ​ທະ​ສາດ​ການ​ບໍລິການ​ທາງ​ຜ່ານ, ສົ່ງ​ເສີມການ​ຄ້າ ​ແລະ ການທ່ອງທ່ຽວ, ປັບ​ປູງ​ລະບົບ​ການ​ບໍລິການການ​ຂົນ​ສົ່ງ, ການ​ອຳ​ນວຍ​ຄວາມ​ສະ​ດວກຄົນ​ເຂົ້​າ-ອອກ​ເມືອງ ທັນ​ສະ​ໃໝ, ສ້າງ​​ເຂດ​ການ​ຄ້າ​ຊາຍ​​ແດນ, ສ້າງ​ພື້ນ​ຖານ​ການ​ທ່ອງ​ທ່ຽວ​ພາຍ​ໃນ​ແລະ ເຊື່ອມ​ຕໍ່​ກັບ​ປະ​ເທດ​ເພີ່ອນ​ບ້ານ ແລະ ພັດທະນາພື້ນ​ຖາ​ນ​ການທ່ອງ​ທ່ຽວ ​ແລະ ການ​ບໍລິການ​ໃຫ້ສາ​ມາດ​ແຂ່ງ​ຂັນ​ກັບ​ອາ​ນຸ​ພາກ​ພື້ນ ແລະ ພາກ​ພື້ນ;.6. ຍຸດ​ທະ​ສາດ​ຫັນ​ເປັນ​ອຸດ​ສະຫະ​ກຳ ​ແລະ ທັນ​ສະ​ໃໝ, ສ້າງ​ຄວາມ​ຮັບ​ຮູ້​ຈິນຕະນາ​ການ​​​ໃໝ່ ທີ່​ເປັນ​ພື້ນຖານ​ທາງ​ ດ້ານ​ແນວ​ຄິດ​, ທິດ​ສະ​ດີ ​ແລະ ພືດ​ຕິ​ກຳ​ຂອງ​ປະຊາຊົນ, ພະນັກງານ​ລັດຖະກອນ​ ສາ​ມາດ​ນຳ​ໃຊ້​ຄວາມ​ກ້າວ​ໜ້າ​ດ້ານ​ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີໃນ​ຍຸກ​ໂລ​ກາ​ພິ​ວັດ;..7. ຍຸດ​ທະ​ສາດ​ເພີ້​ມ​ຄວາມ​ສັກສິດ​ຂອງ​ລະບົບ​ການ​ປົກຄອງ ປະຊາທິປະ​ໄຕ ປະຊາຊົນ ​ແລະ ຄວາມສັກສິດ ​ການ​ປະ​ຕິ​ບັດ​ກົດ​ໝາຍ, ສ້າງ​ລັດ​ເປັນ​ລັດ​​ແຫ່ງກົດໝາຍ, ລະ​ບົບ​ການ​ເມືອງ-ການ​ປົກ​ຄອງ ​ມາ​ຈາກ​ປະຊາຊົນ, ​ໂດຍ​ປະຊາຊົນ ​ແລະ ​ເພື່ອ​ປະຊາຊົນ.8. ຍຸດ​ທະ​ສາດປ້ອງ​ກັນຊາ​ດ ​ແລະ ປ້ອງ​ກັນ​ຄວາມ​ສະຫງົບ, ເຊີດ​ຊູຄວາມ​ສາມັກຄີ​ພາຍ​ໃນ​ໃຫ້​ໜັກ​ແໜ້ນ, ຮັບປະກັນ​​ສະຖຽນ​ລະ​ພາບ​ທາງ​ດ້ານ​ການ​ເມືອງ, ຄວາມ​ສະຫງົບ​ສຸກ ແລະ  ຄວາມ​ເປັນ​ລະບຽບ​ຮຽບຮ້ອຍ​ທາງສັງຄົມ;.9. ຍຸດ​ທະ​ສາດສົ່ງ​ເສີມບົດບາດຍິງ-ຊາຍ, ຄວາມ​ກ້າວໜ້າ​ຂອງ​ແມ່ຍິງ ​ແລະ ​ເດັກ​ນ້ອຍ, ຮັບປະກັນບົດ​ບາດ​ຍິງ-ຊາຍ ​ໃຫ້​ມີ​ຄວາມ​ເທົ່າ​ທຽມ​ກັນ, ສ້າງ​ກາລະ​ໂອກາດ​ໃຫ້​ແມ່ຍິງ​ໄດ້​ເຂົ້າ​ຮ່ວມ​ທຸກຂະ​ບວນການ​ພັດທະນາ ​ແລະໃຫ້​ຄວາມ​ສຳຄັນ​ຕໍ່​ເດັກນ້ອຍ​ໃນ​ໄວ​ຮຽນ;. ​10. ຍຸດ​ທະ​ສາດ​ເຊື່​ອມ​ໂຍງ​ເສດຖະກິດ​ກັບ​ບັນດາ​ປະ​ເທດ​ເພື່ອນ​ມິດ​ໄກ້ຄຽງ, ປະຊາ​ຄົມອາ​ຊຽນ ​ແລະ ສາກົນ, ເປີດກວ້າງ​ການ​ຮ່ວມ​ມື, ຍາດແຍ່ງ​ການ​ຊ່ວຍ​ເຫຼືອ ​ແລະ ​ການ​ລົງທຶນຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຽດ;.

•  ສູ້​ຊົນ​ໃຫ້​ເສດຖະກິດຂະຫຍາຍຕົວ​ ​ສະ​ເລ່ຍບໍ່​ຫຼຸດ 13% /ປີ, ລວມຍອດ​ຜະລິດ​ຕະພັນ​ພາຍ​ໃນ ປີ 2020 ​ໃຫ້​ບັນລຸ 11.270,26 ຕື້​ກີບ, ລາຍ​ຮັບ​ສະ​ເລ່ຍ 2.891$​​/ຄົນ/ປີ, ຄາດ​ຄະ​ເນອັດຕາ​ແລກ​ປ່ຽນ 8.725 ກີບ/1$ ຄາດ​ຄະ​ເນ​ພົນລະເມືອງ 446.771 ຄົນ ( ອັດຕາ​ການ​ຂະຫຍາຍຕົວ 2% ).

• ຂົງ​ເຂດ​ກະສິກຳ-ປ່າ​ໄມ້  ກວມ​ເອົາ21 %ຂອງ GDP.+ ຂົງ​ເຂດອຸດ​ສະຫະ​ກຳກວມເ​ອົາ42,70%   ຂອງ GDP.+ ຂົງ​ເຂດ​ບໍລິການກວມ​ເອົາ         36,30%        ຂອງ GDP.-  ຄາດຄະເນການລົງທຶນທັງໜົດໃຫ້ຢູ່ໃນລະດັບ 45-52% ຂອງ GDP ຫຼື ເທົ່າກັບ 6.604,79 ຕື້ກີບ,ໃນນັ້ນ: ການລົງທຶນຂອງລັດກວມ 2,31%, ການລົງທຶນຂອງ​ເອກະ​ຊົນພາຍໃນ-ຕ່າງປະເທດກວມ 39,71% ແລະການລົງທຶນຂອງ​ທະນາຄານ-ປະຊາຊົນກວມ 9,98% ຂອງ GDP;.-  ສູ້​ຊົນ​ເກັບ​ລາຍ​ຮັບ​ເຂົ້າ​ງົບປະມານ ສະ​ເລ່ຍ​ແຕ່ລະ​ປີເພີ້​ມຂຶ້ນ 25,60%, ປີ 2020 ຈະບັນລຸ 4.918,96 ຕື້​ກີບ(​ໃນ​ນັ້ນ: ລາຍ​ຮັບ​ງົບປະມານພູດ​ສູນ​ກາງ 2.251,92 ຕື້​ກີບ,ລາຍ​ຮັບ​ງົບປະມານພູດ​ທ້ອງ​ຖິ່ນ 2.667,04 ຕື້​ກີບ) ດ້ານ​ລາຍຈ່າຍ​ງົບປະມານ 2.948,58 ຕື້​ກີບ;.-  ຄາດຄະເນອັດຕາ​ເງິນ​ເຟີ້​ປະມານ 1,39%/ປີ;.- ສູ້​ຊົນ​ຜະລິດ​ເຂົ້າ​​ໃຫ້ໄດ້ປະມານ 463.340​ໂຕນ,ສະ​ເລ່ຍ 1.037 ກິ​ໂລ/ຄົນ/ປີ;.- ຄາດຄະເນລວມຍອດ​ຜະລິດ​ຕະພັນ​ການ​ສົ່ງ​ອອກ ເພີ້ມຂື້ນ 11% ຕໍ່ປີ ຫຼື 2,80 ຕື້$ ​ແລະ ມູນຄ່າການນຳເຂົ້າໃຫ້ຢູ່ໃນລະດັບ 6-7% ຕໍ່ປີ ຫຼື  5,57 ຕື້$;.-   ຄາດ​ຄະ​ເນ​ການ​​ເຄື່ອນ​ຍ້າຍສິນຄ້າ​ພາຍ​ໃນ​ສະ​ເລ່ຍ 15%/ປີ, ສິນຄ້າ​ຜ່ານ​ແດນ-ຂາ​ອອກ​ໃຫ້​ໄດ້ 15%/ປີ;.-  ຄາດ​ຄະ​ເນ​​ GDP ຂອງຂະ​ແໜງ​ພະ​ລັງ​ງານ​-ບໍ່​ແຮ່ ບັນລຸ 16% ຂຶ້ນໄປ;.-  ຄາດ​ໝາຍ​ໃຫ້​ຄົວ​ເຮືອນ​ໄດ້​ຊົມ​ໃຊ້​ໄຟຟ້າ​ 100% ໃນ​ປີ 2020;..-  ຄາດ​ຄະ​ເນ ອັດຕາ​ຄວາມທຸກ​ຍາກຂອງ​ປະຊາຊົນບໍ່ເກີນ 500 ຄອບຄົວ ແລະ  ລຶບ​ລ້າງ​ບ້ານ​ທຸກ​ຍາກໃຫ້ໄດ້ 100%;..

1.   ວຽກງານກະສິກຳ-ປ່າໄມ້:

• ສູ້​ຊົນຜະລິດ​ເຂົ້າ​ບໍ່​ໃຫ້​ຫຼຸດ 463.340​ໂຕນ, ສະເລ່ຍ​ໃຫ້ໄດ້ 1.037 ກິໂລ/ຄົນ/ປີ ໃນນັ້ນ: ນາ​ປີໃຫ້​ໄດ້​ໃນ​ເນື້ອ​ທີ່ 87.450 ຮຕ, ຜົນຜະລິດ 349.520ໂຕນ,ດ້ວຍສະມັດ​ຕະພາບ​ສະ​ເລ່ຍ 4,00 ໂຕນ/ຮຕ ແລະ ຜະລິດ​ນາ​ແຊງໃຫ້​ໄດ້​ໃນ​ເນື້ອ​ທີ່  19.630 ຮຕ, ຜົນຜະລິດ113.820 ໂຕນ, ດ້ວຍສະມັດຕະພາບ​ສະ​ເລ່ຍ 5,80​ໂຕນ/​ຮຕ,  ຄາດ​ຄະ​ເນການບໍລິໂພກຊີ້ນ-ປາ ແລະ ໄຂ່ ສະເລ່ຍ 53,50 ກ​ລ/ຄົນ/ປີ;.- ການປູກ​ພືດ​: ສົ່ງ​ເສີມ​ການ​ປູກ​ພືດ​ສະບຽງອາຫານ​ໃນເນື້ອທີ່ 16.472 ຮຕ, ຜົນຜະລິດປະມານ 125.687 ໂຕນ (ສາລີຫວານ ໃຫ້ໄດ້12.324 ໂຕນ, ເຜືອກ-ມັນ ໃຫ້ໄດ້ 46.352 ໂຕນ ແລະ ພືດຜັກອື່ນໆ ໃຫ້ໄດ້ 47.660ໂຕນ).-  ການ​ລ້ຽງສັດ ​ແລະການ​ປະມົງ: ຄາດ​ຄະ​ເນກ​ການລ້ຽງສັດ​(ງົວ-ຄວາຍ, ໜູ, ເປັດ-ໄກ່)ສົ່ງເສີມ​ໃສ່​ການ​ລ້ຽງສັດ​ແບບ​ເປັນ​ຟາ​ມ​, ເປັນກຸ່ມ, ການລ້ຽງໜູພັນຊິ້ນ,ງົວພັນຊິ້ນ(ງົວຂຸນ) ທະນາຄານເປັນຜູ້ສະ​ໜອງສີນເຊື້ອ ແລະ ຂະແໜງການກະສິກໍາເປັນຜູ້ສະໜອງທາງດ້ານເຕັກນິກ, ວິຊາການຄາດ​ຄະ​ເນ ເພີ້ມຂຶ້ນ​ປະ​ມານ 4-6% ຕໍ່ປີ, ການລ້ຽງປາ ແລະ ສັດນໍ້າ​ເພີ້​ມຂຶ້ນ 3-5 % ຕໍ່ປີ, ສ້າງ ຕາໜ່າງສັດຕະວະແພດບ້ານໃຫ້ໄດ້ 1.100 ຄົນ;.

• ວຽກ​ບໍ່​ແຮ່: ​ຂຸດ​ຄົ້ນ-ປຸງ​ແຕ່ງແຮ່​ທາດ​​​ໃຫ້ໄດ້​ 924,45 ​ລ້ານ$ ​ແລະ ສືບ​ຕໍ່​ສຳ​ຫຼວດຂຸດ​ຄົ້ນ​ແຮ່​ທາດ​ອື່ນໆ ທີ່​ມີ​ເງື່ອນ​ໄຂ.-  ວຽກ​ພະລັງງານ:  ສະໜັບສະໜູນການ ກໍ່ສ້າງ​ເຂື່ອນ​ໄຟຟ້າ​ນ້ຳ​ຫີນ​ບູນ(ບ້ານທົ່ງ​ລົມ), ມີ​ກຳລັງ​ຕິດ​ຕັ້ງ 30 ​MW ​ໃຫ້​ສຳ​ເລັດ​, ສືບຕໍ່ສືກສາອອກແບບໂຄງການກໍ່ສ້າງ ເຂື່ອນ​ໄຟຟ້າຂະໜາດ​ນ້ອຍ​ໃຫ້​ໄດ້ 5 ​ແຫ່ງ, ​ມີ​ກຳລັງການຜະລິດປະມານ​ 44​ MW (ເຂື່ອນ​ເຊ​ນ້ອຍ, ນ້ຳ​ໄຮ, ຫີນບູນຕອນ​ລຸ່ມ, ​ເຊບັ້ງ​ໄຟ​ຕອນ​ເທິງ 2 ​ແຫ່ງ);.

• ວຽກງານ​ທາງບົກ-ທາງ​ນ້ຳ:ສືບຕໍ່ກໍ່ສ້າງເສັ້ນ​ທາງ​ໃຫ້​​ເພີ້​ມຂື້ນ 710,03ກມ, ​ໃນ​ນັ້ນ: ທາງ​​ເບ​ຕົງ 6,09ກມ, ທາງ​ປູຢາງ193,58 ກມ , ທາງ​ດິນ​ແດງ 170,49 ກມ ແລະ ທາງ​ດິນ​ທຳ​ມະ​ຊາດ​339,86 ກມ, ຈຸດ​ພັກ​ລົດ, ສະຖານີ​ຈອດ​ລົດ ​ແລະ ລະບົບສາງ​ສິນຄ້າ​.ປັບປຸງ ​ແລະ ກໍ່ສ້າງ​ຂົວ​ໃຫ້​ໄດ້ ​19 ​ແຫ່ງ,​ໃນ​ນັ້ນ: ຂົວ​ເບ​ຕົງ​ເສີມ​ເຫລັກ​11 ​ແຫ່ງ ຍາວ 1.517,22 ແມັດ, ຂົວ​ເບ​ເລ້​ 4 ​ແຫ່ງຍາວ 190 ແມັດ, ຂົວ​ໄມ້ ​2 ​ແຫ່ງ ຍາວ 95 ແມັດ, ກໍ່ສ້າງຂົວອູ່ 2 ແຫ່ງຍາວ 95 ແມັດແລະ ກໍ່ສ້າງທໍ່ລ່ຽມ 7 ແຫ່ງຍາວ 109 ແມັດ, ກໍ່ສ້າງ​ຕ້ານ​ເຈື່ອນຕາມ​ລຳ​ແມ່​ນໍ້າຂອງ ​ແລະ ສາຍ​ນ້ຳ​ຕ່າງໆ​​ໃຫ້ໄດ້17,9ກມ  ສະ​ເໜີຍົກລະດັບຫາງເລກທີ່ 13 (ຊ່ວງແຂວງຄໍາມ່ວນ), ທາງເລກທີ່ 12 ໃຫ້ເປັນທາງ 4 ເລັນ, ກໍ່ສ້າງທາງເລກທີ່ 11, ທາງ 1E, 1F ແລະ ທາງແຕ່ດ່ານກະລ໋ອງ(ຂຸນເຊ-ໜອງມ້າ)ເຖິງດ່ານລຸມປຸ້ມ(ຊາຍແດນສະຫັວນນະເຂດ).- ວຽກ​ຂົນ​ສົ່ງ: ປັບປຸງການຄຸ້ມຄອງ ແລະ ​​ພັດທະນາ​ລະບົບ​ການ​ຂົນ​ສົ່ງ​ໃຫ້ທັນສະໄໝ, ບໍລິການຜູ້​ໂດຍສານ​ໃຫ້​ໄດ້645.883 ​ເທື່ອ/​ຄົນ/​ປີ ແລະ ຂົນ​ສົ່ງ-ຈໍລະ​ຈອນສິນຄ້າ​ໃຫ້​ໄດ້4.534.075 ​ໂຕນ/​ປີ;.- ວຽກ​ເຄຫາ-ຜັງ​ເມືອງ ​ແລະ ນໍ້າ​ປະປາ: ປັບປຸງ ແລະ ກໍ່ສ້າງ​ຕົວ​ເມືອງ​ທ່າ​ແຂກ​ໃຫ້​ກາຍ​ເປັນ​ເມື​ອງທ່ອງ​ທ່ຽວ ​ແລະ ໜ້າ​ຢູ່,ປັບປຸງ-ກໍ່ສ້າງສວນສາທາລະນະ, ​ຕິດຕັ້ງ​ລະບົບ​ໄຟສັນຍານ​ຈາລະ​ຈອນ, ລະບົບ​ກ້ອງວົງຈອນ​ປິດຢູ່​ໃນ​ຈຸດ​ທີ່​ສຳ​ຄັນ, ລະບົບກຳຈັດຂີ້ເຫຍື່ອ, ຫ້ອງນ້ຳສາທາລະນະ, ຄອງລະບາຍນໍ້າ ແລະ ກໍ່ສ້າງນໍ້າປະປາ ໃນ 6 ເມືອງທີ່ບໍ່ທັນມີໃຫ້ສຳເລັດ.

1.6  ວຽກງານການເງິນ

•     ສູ້​ຊົນ​ເກັບ​ລາຍ​ຮັບ​ເຂົ້າ​ງົບປະມານ ​ສະ​ເລ່ຍ​ແຕ່ລະ​ປີ ເພີ້​ມຂຶ້ນ 25,60%, ຮອດ​ປີ 2020 ​ເທົ່າ​ກັບ 4.918,96ຕື້​ກີບ ​ ໃນ​ນັ້ນ: ພູດສູນ​ກາງ 2.251,92 ຕື້​ກີບ, ພູດທ້ອງ​ຖິ່ນ 2.667,04 ຕື້​ກີບ  ແລະ ປະຕິບັດລາຍຈ່າຍ 2.948,58 ຕື້ກີບ;.

• ຂະຫຍາຍຕາໜ່າງໂທລະຄົມມະນາຄົມລົງສູ່ເຂດຊົນນະບົດເຂດຫ່າງໄກສອກຫຼີກ​ໃຫ້ກວມ 90% ແລະ ອິນເຕີເນັດກວມ 20%.ຂະຫຍາຍຈຸດບໍລິການການຮັບ-ສົ່ງໄປສະນີພັນ ແລະ ພັດສະດຸພັນ ໃນເຂດຫ່າງໄກໃຫ້ທັນເວລາ,​ ຍົກລະດັບຮູບແບບການບໍລິການໄປສະນີທີ່ທັນສະໄໝ;.

•   ຮັບປະກັນ​ການ​ບໍລິການ-ການ​ສຶກສາ​ທີ່​ມີ​ຄູນ​ນະພາ​ບ ​ແລະ ​ເທົ່າ​ທຽມ​ກັນ​ຮອດ​ປີ 2020 ​ໃຫ້​ບັນລຸ​ຄາດໝາຍ​ດັ່ງ​ນີ້:-     ອັດຕາ​ສ່ວນ​ເຂົ້າ​ຮຽນ​ຂອງ​ເດັກ​ໃນ​ເກນ​ອາຍຸ 3-5 ປີ ​​ໃຫ້ບັນລຸໄດ້ 50%, ອັດຕາ​ເຂົ້າ​ຮຽນ​ສຸດທິ​ຊັ້ນ​ປະຖົມ ອາຍຸ 6-10 ປີ​ໃຫ້ບັນລຸໄດ້ 99,5%.ອັດຕາການຫຼອດເຫຼືອຢູ່​ໃນ​ລະດັບ 95 % ແລະ ອັດຕາສ່ວນຄ້າງຫ້ອງ​ໃຫ້ເຫຼືອ 3%.-  ອັດຕາ​​ສ່ວນເຂົ້າຮຽນຊັ້ນ​ມັດທະຍົມ​ຕົ້ນໃຫ້ບັນລຸໄດ້ 85%ແລະ​ຊັ້ນ​ມັດທະຍົມ​ຕອນ​ປາຍໃຫ້ໄດ້ 75%. - ລົບ​ລ້າງ​ຄວາມ​ບໍ່​ຮູ້ໜັງສື​ໃຫ້​ປະຊາຊົນ​​ໃນ​ເກນ​ອາຍຸ 15-40 ປີໃຫ້ໄດ້ 99,2% ແລະ 15 ປີ​ຂື້ນ​ໄປໃຫ້ໄດ້ 95%. ປະກາດ​ເມືອງ​ຮຽນ​ຈົບ​ຊັ້ນ​ມັດທະຍົມ​ຕົ້ນ​ບຳລຸງ​ໃຫ້​ໄດ້ 100%, ​ຂະ​ຫຽາຍສາ​ຂາຂະ​ແໜງ​ກາ​ນຮຽນ​​ໃນ​ໂຮງຮຽນ​ວິຊາ​ຊີບ​ຂອງ​ແຂວງ ​ແລະ ພາກ​​ເອກະ​ຊົນ​ໃຫ້​ຫຼາຍ​ຂຶ້ນ, ສ້າງ​-ພັດທະນາ​ສີມື​ແຮງ​ງານ​ໃຫ້​ຊາວ​ໜຸ່ມ​ ​ແລະ ສູ້​ຊົນ​ເຮັດ​ໃຫ້​ອັດຕາ​ສ່ວນ​ຂອງ​ຄູ​ຕໍ່​ນັກຮຽນ, ຫ້ອງ​ຮຽນ​ໃຫ້​ມີ​ຄວາມສອດ​ຄ​ອ່ງ​ຕາມ​ມາດ​ຖານ;..-  ພັດທະນາກິລາກາຍະກຳໃຫ້ເປັນອາຊີບ, ສົ່ງເສີມກິລາກາຍະກຳພື້ນເມືອງ, ນັກ​ກິລາ​ຜູ້​ທີ່​ມີ​ພອນ​ສະຫັວນ​ເພື່ອເຂົ້າຮ່ວມງານມະຫາກຳກິລາຕ່າງໆ ຢູ່​ພາຍ​ໃນ ແລະ ຕ່າງ​ປະ​ເທດ;.

• ປັບ​ປຸງ​ ການບໍ​ລີ​ການ​ດ້ານ​ສາ​ທາ​ລະ​ນະ​ສຸກໃຫ້ທຸກຄົນໄດ້ຊົມ​ໃຊ້ທີ່​ມີ ຄຸນນະພາບດີ, ຂະຫຍາຍຕາໜ່າງສາທາລະນະສຸກເຖິງຊົນນະບົດຫ່າງໄກສອກຫຼີກ, ຮັບປະກັນໃຫ້ແມ່ຍິງ ​ແລະ ເດັກນ້ອຍໄດ້ຮັບການ​ດູ​ແລ​ຢ່າງ​ທົ່ວ​ເຖິງ, ​ເດັກນ້ອຍ​ໄດ້​ຮັບສານອາຫານທີ່ພຽງພໍ, ຖືກຫຼັກອານາໄມຄົບ 5 ໝວດຕາມຫຼັກການໂພສະນາການ ແລະ ເພີ່ມອາຍຸຍືນສະເລ່ຍຂອງປະຊາຊົນໃຫ້ໄດ້ 73 ປີ;.-  ຫຼຸດອັດຕາຂອງເດັກລຸ່ມ 5 ປີທີ່ນໍ້າໜັກຕໍ່າກວ່າມາດຕະຖານໃຫ້ໄດ້ 15​% ແລະເດັກທີ່ເຕ້ຍໃຫ້ໄດ້ 28%.-  ອັດຕາການຕາຍຂອງເດັກອາຍຸຕ່ຳກວ່າ 1 ປີ ໃຫ້ໄດ້ 20/1.000 ແລະ ເດັກຕໍ່າກວ່າ5 ປີໃຫ້ໄດ້25/1.000-  ອັດຕາການຕາຍຂອງແມ່ໃຫ້ໄດ້ 70/100.000 ເດັກເກີດ.-  ຂະ​ຫຽາຍ ອັດຕາຊົມໃຊ້ນ້ຳສະອາດຂອງປະຊາຊົນໃຫ້ໄດ້ 90%, ໂຮງຮຽນ​ໃຫ້ໄດ້​ 80% ແລະ ສຸກສາລາໃຫ້ໄດ້ 100%.-  ອັດຕາການຊົມໃຊ້ວິດຖ່າຍຂອງ​ຄົວ​ເຮືອນໃຫ້ໄດ້ 75 % , ໂຮງຮຽນ​​ໃຫ້​ໄດ້ 80% ແລະ ສຸກສາລາໃຫ້ໄດ້ 100%.-  ສູ້​ຊົນສ້າງ​ບ້ານ​ສາທາລະນະ​ສຸກ​ໃຫ້​​ໄດ້ 90% ຂອງ​ຈຳນວນ​ບ້ານ​ທົ່ວ​ແຂວງ;.

• ວຽກງານ​ຖະ​ແຫຼ​ງຂ່າວ: ປັບປຸງຂະ​ຫຽາຍຄວາມ​ຖີ່​ຂອງ ວິທະຍຸສາມາດ​ກະຈາຍສຽງໃຫ້​ສາ​ມາດ​ຄວບ​ຄຸມ​ພື້ນ​ທີ່ 95%,ໂທລະພາບ 60% , ກໍ່​ສ້າງສະຖານີວິທະຍຸໃຫ້ໄດ້ 1-2 ເມືອງ, ກໍ່​ສ້າງ​ເຄື່ອ​ຄ່າຍ​ສື່​ມວນ​ຊົນ​ລົງ​ຮອດ​ຮາກ​ຖານ​ບ້ານຢູ່ ເຂດ​ຫ່າງ​ໄກ​ສອກຫລີກ ​ໃຫ້​ປະຊາຊົນ​ໄດ້​ຮັບ​ຂໍ້​ມູນ​ຂ່າວສານ​ເປັນ​ລະ​ບົບ;.- ວຽກ​ງານ​ວັດທະນະ​ທໍາ: ສ້າງຄອບຄົວ ແລະ ບ້ານວັດທະນະທໍາໃຫ້ໄດ້ 85%  ສະເໜີລັດ​ຖະ​ບານຂໍ​ເອົາ ຖ້ຳພະໜອງປາຝາບ້ານນາຂ້າງຊ້າງ ເມືອງທ່າແຂກ ເປັນມໍລະດົກລະດັບຊາດ, ຄຸ້ມຄອງສະຖານບັນເທີງ, ສິ່ງພິມ, ປ້າຍໂຄ​ສະ​ນາ ປະ​ຕິ​ບັດຕາມ​ລະບຽບ​ກົດໝາຍ ຢ່າງ​ເຂັ້ມ​ງວດ;.- ວຽກງານທ່ອງທ່ຽວ:ປັບ​ປຸງ, ຄຸ້ມ​ຄອງ ຫລ່ງທ່ອງທ່ຽວ ແລະ ຈັດລຽງບູລິມະສິດເພື່ອພັດທະນາ ການ​ທ່ອງ​ທ່ຽວ, ສ້າງຕັ້ງກຸ່ມບໍລິສັດທ່ອງທ່ຽວ ໃຫ້ໄດ້ 10 ກຸ່ມ, ໂຮງ​ແຮມ, ບ້ານ​ພັກ, ລີ​ສອດ 5.000 ຫ້ອງ ແລະ ຮ້ານ​ອາ​ຫານສາ​ມາດ​ບໍ​ລີ​ການ​ນັກ​ທ່ອງ​ທ່ຽວ 10.000 ຄົນ,  ຄາດ​ຄະ​ເນ​ນັກ​ທ່ອງ​ທ່ຽວເຂົ້າ​ມາ​ທ່ອງ​ທ່ຽວ(2016-2020) ປະມານ 2.500.000 ຄົນ, ສະເລ່ຍເພີ່ມຂຶ້ນ12%/ປີ;.

• ສ້າງ​ສູນ​ຝຶກສີມື​ແຮງ​ງານ​ໃຫ້ມີ​ຄຸ​ນະ​ພາບ​ໃຫ້​ໄດ້ 1 ​ແຫ່ງ, ຈັດຫາວຽກເຮັດງານທຳ​​​ໃຫ້​​ໄດ້ 2.000 ຕຳ​ແໜງ, ປັບປຸງ-ຄຸ້ມ​ຄອງການປະກັນສັງຄົມ​ໃຫ້ບັນ​ລຸ 50%ຂອງພົນລະເມືອງທົ່ວ​ແຂວງ, ປະຕິບັດນະໂຍບາຍຕໍ່ຜູ້ທີ່ມີຄຸນງາມຄວາມດີຕໍ່ປະເທດຊາດ, ຜູ້ເສຍສະຫຼະຊີ​ວິດ ປາງສົງຄາມ ແລະ ພະນັກງານບຳນານໃຫ້ສຳເລັດ 100%.

•  ສ້າງ​ແຜນ​ການ​ລົງ​ກວດ​ກາ​ການ ຂື້ນທະບຽນເຄື່ອງໝາຍການຄ້າ, ຈົດທະບຽນສິດທິບັດຊັບສິນທາງປັນຍາ, ສະກັດກັ້ນສິນຄ້າລຽນແບບ, ສິນຄ້າໝົດອາຍຸ, ກວດກາກົງເຕີ້ນ້ຳປະປາໃຫ້ໄດ້ 50%ກົງເຕີ້ໄຟຟ້ານຳເຂົ້າໃຫ້ໄດ້ 100% ແລະ ຫົວຈ່າຍນໍ້າມັນເຊື້້ອໄຟໃຫ້ໄດ້ 100%.

• ຄຸ້ມ​ຄອງ ຟື້ນຟູເນື້ອ​ທີ່ປົກຫຸ້ມປ່າໄມ້ໃຫ້ໄດ້ 1.008.428ຮຕ,ກວມ 56% ປັບປຸງລະບົບການຄຸ້ມຄອງທີ່ດີນ, ການ​ອອກທະບຽນທີ່ດິນ ແລະ ຈັດສັນທີ່ດິນເພື່ອການພັດທະນາໃຫ້ສຳເລັດ, ຈັດ​ຕັ້ງ​ປະ​ຕິ​ບັດ​ແຜນ​ງານປົກປັກຮັກສາຊັບພະຍາກອນທຳມະຊາດ-ແຜນຄຸ້ມຄອງສິ່ງແວດລ້ອມແບບຮອບດ້ານ, ປະ​ຕິ​ບັດ​ກົດ​ໝາຍ​ການຄຸ້ມຄອງມົນລະພິດ ແລະ ການປ່ອຍອາຍພິດສິ່ງເສດເຫຼືອຕາມ​ລະ​ບຍບ​ກົດ​ໝາຍ;.

• ປະ​ຕິ​ບັດ​ແນວ​ທາງ​ການ​ຕ່າງ​ປະ​ເທດ, ການຮ່ວມມືກັບບັນດາປະເທດເພື່ອນມິດຍຸດ​ທະ​ສາດ ສສ ຫວຽດນາມ, ສປ ຈີນ, ລາຊາ​ອານາຈັກ​ໄທ ແລະ ປະ​ເທດ​ເພື່ອນ​ມິດ​ຕ່າງໆ ຮັບ​ເອົາການລົງທຶນ ​ແລະ ການຊ່ວຍເຫຼືອຈາກອົງການຈັດຕັ້ງສາກົນ ແລະ ຄຸ້ມຄອງອົງການຈັດ​ຕັ້ງສາກົນຕາມລະບຽບກົດໝາຍໃນແຕ່ລະໄລຍະ;.

• ສືບຕໍ່ຫັນລົງກໍ່ສ້າງຮາກຖານການເມືອງຕິດພັນກັບວຽກພັດທະນາຊົນນະບົດຮອບດ້ານ ​ແລະ ວຽກ​ງານ 3 ສ້າງ​ໃຫ້​ແຂງ​ແຮງ, ສ້າງບ້ານພັດທະນາ ໃຫ້​ບັນ​ລຸ 80% ຂອງ​ຈຳນວນ​ບ້ານ, ສ້າງ​ເມືອງ​ພັດທະນາບັນ​ລຸ 80%ສ້າງຄອບຄົວພັດທະນາບັນ​ລຸ 90%ຂອງຄອບຄົວທົ່ວ​ແຂວງ, ສ້າງບ້ານໃຫຍ່ໃຫ້ກາຍເປັນຕົວເມືອງນ້ອຍໃນຊົນນະບົດເມືອງໜຶ່ງໃຫ້ໄດ້ 2-3 ​ແຫ່ງ ສືບ​ຕໍ່ລືບ​ລ້າງ​ຄວາມທຸກຍາກຂອງ​ປະຊາຊົນ ແລະ ບ້ານໃຫ້​ໄດ້ໂດຍ​ພື້ນ​ຖານ;.

•  ປັບ​ປຸງ​ຍົກ​ລະດັບ​ຄູນ​ນະພາ​ບ ​ແລະ ຄວາມ​ສາມາດ​ຂອງ​ພະນັກງານ​ໃຫ້ຕອບ​ສະ​ໜອງ​ກັບ​ຄວາມ​ຮຽ​ກຮ້ອງ​ຕ້ອງການ​ຂອງ​ການ​ພັດທະນາ​ໃນ​ໄລຍະ​​​ໃໝ່, ບຳລູງ ​ແລະ ກໍ່ສ້າງ​ພະນັກງານ-ລັດຖະກອນ​ໃຫ້​ໄດ້ 650 ຄົນ, ​ໃນ​ນັ້ນ:ປະລິນຍາ​ເອກ 07 ຄົນ, ປະລິນຍາ​ໂທ 25 ຄົນປະລິນຍາ​ຕີ 75 ຄົນ, ຊັ້ນ​ສູງ 125 ຄົນ, ຊັ້ນ​ກາງ 300 ຄົນ ​ແລະ ຊັ້ນ​ຕົ້ນ 118 ຄົນ, ປັບປຸງ​ໂຄງ​ປະກອບ​ກົງຈັກການບໍ​ລີ​ຫານ​ລັດ​ໃຫ້​ມີ​ຄວາມ​ໂປງ​ໃສ, ບໍ​ລີ​ການ​ປະ​ຊາ​ຊົນ ແລະ ການຈັດຕັ້ງໃຫ້​ມີ​ຄວາມວຶອ​ງ​ໄວ, ​ສະ​ດວກ​ສະ​ບາຍ ແລະ ມີ​ປະສິດທິພາບ, ກົງຈັກຊ່ວຍ​ວຽກດ້ານ​ວິຊາ​ການ, ບໍລິຫານ​,ການ​ກຳ​ນົດຕໍາ​ແໜ່ງງານໃຫ້ຄົບຖ້ວນ ແລະ ປະຕິບັດ​ລະ​ບຽບ​ ການ​ຄຸ້ມ​ຄອງ​ລັດຖະກອນ​ໃຫ້​ຄົບ​ຖ້ວນໃຫ້​ເຂັ້ມ​ງວດ.   ສະ​ນັ້ນ​ນ, ຍຸດ​ທະ​ສາດ ແລະ ແຜນ​ພັດ​ທະ​ນາ​ຮອບ​ດ້ານ​ຂອງ​ແຂວງ​ຄຳ​ມ່ວນ 2016-2030-2025 ແລະ 2020 ທີ່ກອງ​ປະ​ຊຸມ​ໃຫ​ຍ່​ອົງ​ຄະ​ນະ​ພັກ​ແຂວງ​ໄດ້​ຮັບ​ຮອງ​ເອົາ​ແມ່ນ​ເອ​ກະ​ສານ​ສຳ​ຄັນ​ທີ່​ຕິດ​ພັນ​ກັບ​ແຜນ​ພັດ​ທະ​ນາ​ເສດ​ຖະ​ກິດ-ສັງ​ຄົມ ແຫ່ງ ຊາດ 5 ປີ ຄັ້ງ​ທີ່ VIII 2016-2020 ຂອງ ສ​ປ​ປ ລາວ.