ພະນັກງານຄູ-ອາຈານ ຈຳນວນ 40 ກວ່າແຫ່ງອ້ອມຂ້າງເມືອງທ່າແຂກ ແຂວງຄຳມ່ວນ ໄດ້ຮັບການຍົກລະດັບ ຄວາມຮູ້ດ້ານວຽກງານສົ່ງເສີມການອ່ານ ແລະ ການຈັດພິມປຶ້ມສຳລັບເດັກ  ເພື່ອໃຫ້ພະນັກງານຄູ-ອາຈານ ໄດ້ນຳເອົາບົດຮຽນບັນດາກິດຈະກຳປິ່ນອ້ອມການອ່ານໄປເສີມສ້າງໃຫ້ແກ່ນ້ອງນັກຮຽນໃນໂຮງຮຽນທີ່ຕົນຮັບຜິດຊອບ ທັງເປັນການກະກຽມ ຄວາມພ້ອມໃນການເຂົ້າຮ່ວມແຂ່ງຂັນໃນງານບຸນນິທັດສະການປຶ້ມ 2018 ຄັ້ງທີ XVIII ທີ່ຈະຈັດຂຶ້ນໃນລະຫວ່າງວັນທີ 4-5 ພຶດສະພາ ທີ່ໂຮງຮຽນສາມັນມິດຕະພາບ ຄຳມ່ວນ-ກວາງບິ່ງ ເມືອງທ່າແຂກ ແຂວງຄຳມ່ວນ ເຊິ່ງຈະມີຫຼາຍກິດຈະກຳ ການແຂ່ງຂັນ ທີ່ຈະຈັດຂຶ້ນໃນງານດັ່ງກ່າວ 

ເປັນຕົ້ນແມ່ນ: ການນຳສະເໜີປຶ້ມ, ການສະແດງລະຄອນຈາກປຶ້ມ, ການສະແດງ ລະຄອນເຈ້ຍ, ການສົ່ງເສີມການອ່ານ, ການບໍລິການປຶ້ມອ່ານ, ການແຂ່ງຂັນອ່ານກາບກອນ, ເລົ່ານິທານ, ຖາມ-ຕອບກ່ຽວກັບປຶ້ມ, ຄວາມຮູ້ຮອບຕົວ, ການພົບປະແລກປ່ຽນບົດຮຽນກັບນັກຂຽນ-ນັກແຕ້ມ-ນັກເວົ້າ ແລະ ອື່ນໆ. ທັງນີ້ກໍ່ເພື່ອ ແນໃສ່ ສົ່ງເສີມໃຫ້ທຸກຄົນໄດ້ມີຄວາມສົນໃຈ ແລະ ມັກອ່ານຫຼາຍຂຶ້ນ, ທັງເປັນການຊຸກຍູ້ ແລະ ເສີມຂະຫຍາຍຜົນງານ, ສື່ສິ່ງພິມ ທີ່ເປັນມູນເຊື້ອ ແລະ ພູມປັນຍາຂອງຄົນລາວ. ເຊິ່ງງານດັ່ງກ່າວ ຄາດວ່າຈະມີນ້ອງນ້ອຍນັກຮຽນ, ນັກສຶກສາ 100 ກວ່າໂຮງຮຽນຂອງລັດ ແລະ ເອກະຊົນ ແຕ່ຂັ້ນອະນຸບານເຖິງຂັ້ນມະຫາວິທະຍາໄລຈຳນວນ 2.000 ກວ່າຄົນ ຈະໄດ້ເຂົ້າມາ ຮຽນຮູ້ວຽກງານສົ່ງເສີມການອ່ານ ເພື່ອເສີມຂະຫຍາຍ ແລະ ສ້າງເຄືອຂ່າຍ ຂອງວຽກງານຫ້ອງສະມຸດໃນໂຮງຮຽນໃຫ້ມີຄວາມຍືນຍົງ.

      ພິທີຍົກລະດັບຄວາມຮູ້ດັ່ງກ່າວໄດ້ຈັດຂຶ້ນໃນວັນທີ 19-20 ເມສາ 2018 ທີ່ພະແນກສຶກສາທິການ ແລະ ກິລາແຂວງ ໂດຍມີທ່ານ ນັນຕະໄຊ ອິນທະສອນ ຮອງຫົວໜ້າພະແນກສຶກສາທິການ ແລະ ກິລາ ແຂວງຄຳມ່ວນ, ທ່ານ ນາງ ສຸຣະພີ ວີຣະວົງສ໌ ຫົວໜ້າຫ້ອງການສະມາຄົມຮ່ວມນ້ຳໃຈກັບເດັກນ້ອຍລາວ, ມີຜູ້ຕາງໜ້າຈາກຫໍສະມຸດແຫ່ງຊາດ ຕະຫຼອດເຖິງພະນັກງານຄູ-ອາຈານຈາກບັນດາໂຮງຮຽນຕ່າງໆອ້ອມຂ້າງເຂົ້າຮ່ວມ.

ວິດີໂອ

ເວັບໄຊຕ່າງໆ

                     ເວັບໄຊອື່ນໆ

ຮູບພາບ

ປະຕິທິນ

June 2019
Mo Tu We Th Fr Sa Su
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

ສະຖານທີ່ທ່ອງທ່ຽວຂອງແຂວງ

ສະຖານທີ່ທ່ອງທ່ຽວທາດເມືອງເກົ່າ
ສະຖານທີ່ທ່ອງທຽວຂຸນກອງແລ
ແຄມຂອງຍາມແລງເມືອງທ່າແຂກ
ສະຖານທີ່ທ່ອງທ່ຽວເຊບັ້ງໄຟ
ສະຖານທີ່ທ່ອງທ່ຽວທ່າຝຣັ່ງ
ສະຖານທີ່ທ່ອງທ່ຽວຖໍ້າພະອິກ
ສະຖານທີ່ທ່ອງທ່ຽວຖໍ້າພະປາຜາ
ສະຖານທີ່ທ່ອງທ່ຽວຖໍ້ານາງແອ່ນ
ສະຖານທີ່ທ່ອງທ່ຽວຖໍ້າກອງລໍ
ກໍາແພງຍັກ
ພະຍານາກຈໍາລອງໜ້າວັດນາໂບ


ສະຫງວນລິຂະສິດ© ຫ້ອງວ່າການປົກຄອງແຂວງຄຳມ່ວນ 

ທີ່ຢູ່: ບ້ານ ໂພນສະໜາມ, ເມືອງ ທ່າແຂກ, ແຂວງ ຄຳມ່ວນ ຖະໜົນ: ວຽງຈັນ. ໂທ: (856-51) 212088  ແຟັກ: (856-51) 212307