ງານພົບປະຕັ້ງຄ້າຍເຍົາວະຊົນທັນວາ ຄັ້ງທີ XII ທົ່ວແຂວງຄໍາມ່ວນ ທີ່ເມືອງໜອງບົກເປັນເຈົ້າພາບ ໄດ້ເປີດຂຶ້ນຢ່າງເປັນທາງການ ໃນວັນທີ 13-15 ກຸມພາ 2018 ນີ້, ຢູ່ທີ່ເດີ່ນໂຮງຮຽນມັດທະຍົມສຶກສາຕອນປາຍ   ໜອງບົກ ໂດຍພາຍໃຕ້ການເປັນປະທານຂອງ ທ່ານ ສິນທະສອນ ມະຫາໂຄດ ເຈົ້າເມືອງໆໜອງບົກ ເຊິ່ງເປັນກຽດເຂົ້າຮ່ວມໃນພິທີດັ່ງກ່າວຂອງ ທ່ານ ພົມມາ ພັນທະລັງສີ ຮອງເລຂາພັກແຂວງ ຫົວໜ້າຄະນະຈັດຕັ້ງແຂວງ, ທ່ານ ປອ ແກ້ວອຸດອນ ບຸດສິງຂອນ ກຳມະການສູນກາງຊາວໜຸ່ມ ເລຂາຄະນະບໍລິຫານງານຊາວໜຸ່ມແຂວງ ມີບັນດາທ່ານຄະນະປະຈຳພັກເມືອງ, ເລຂາຄະນະບໍລິຫານງານຊາວໜຸ່ມ 10 ຕົວເມືອງ, ຫົວໜ້າພະແນກການອ້ອມຂ້າງແຂວງ, ເລຂາຮາກຖານ-ໜ່ວຍຊາວໜຸ່ມອ້ອມຂ້າງແຂວງ

-ເມືອງ ພ້ອມດ້ວຍກ້ອນກຳລັງປກຊ-ປກສ ຕະຫຼອດເຖີງສະມາຊິກຊາວໜຸ່ມ-ເຍົາວະຊົນ ພໍ່ແມ່ປະຊາຊົນເຂົ້າຮ່ວມ 3000 ກວ່າຄົນ. ກ່ອນພິທີເປີດຢ່າງເປັນທາງການນັ້ນ ບັນດາທ່ານທີ່ເຂົ້າຮ່ວມໄດ້ຮັບຊົມແຕ່ລະກ້ອນກຳລັງ ເດີນສວນສະໜາມເຂົ້າສູ່ພິທີເຊິ່ງມີທັງໝົດ 22 ກ້ອນກຳລັງ ແລະ ໄດ້ຮັບຊົມການສະແດງສິລະປະວັນນະຄະດີ ເຊີ່ງເປັນການສະແດງໂຊໃນພິທີເປີດຢ່າງເປັນທາງການ. ຈາກນັ້ນ, ທ່ານ ການິນ ອິນທະລາ ປະທານແນວລາວສ້າງຊາດເມືອງໜອງບົກ ຜູ້ຊີ້ນຳວຽກງານອົງການຈັດຕັ້ງມະຫາຊົນຂັ້ນເມືອງ ໄດ້ຂຶ້ນຜ່ານບົດລາຍງານກະກຽມຄວາມພ້ອມ ແລະ ຜົນງານບາງດ້ານທີ່ທາງຄະນະຊາວໜຸ່ມເມືອງໜອງບົກ ໄດ້ພ້ອມກັນສຸມໃສ່ຢ່າງຕັ້ງໜ້າ ເພື່ອກະກຽມໃຫ້ແກ່ການເປັນເຈົ້າພາບທີ່ດີໃນຄັ້ງນີ້.

     ງານພົບປະຕັ້ງຄ້າຍເຍົາວະຊົນ ຄັ້ງທີ XII ທົ່ວແຂວງ ທີ່ເມືອງໜອງບົກ ໃນຄັ້ງນີ້ໄດ້ມີການແຂ່ງຂັນທັງໝົດ 11 ກິດຈະກໍາ ເຊິ່ງຜົນຂອງການແຂ່ງຂັນບັນດາກິດຈະກໍາ ສາມາດສະຫຼຸບໄດ້ດັ່ງນີ້: ກິດຈະກໍາຕັ້ງຄ້າຍເຍົາວະຊົນ ອັນດັບ1 ເຍົາວະຊົນເມືອງຍົມມະລາດ; ແຂ່ງຂັນແບບແຜນເຍົາວະຊົນເມືອງຍົມມະລາດ, ແຂ່ງຂັນຟ້ອນ ເຍົາວະຊົນເມືອງໄຊບົວທອງ, ແຂ່ງຂັນຮ້ອງເພງ ເຍົາວະຊົນເມືອງໜອງບົກ, ແຂ່ງຂັນລໍາມະຫາໄຊ ເຍົາວະຊົນເມືອງທ່າແຂກ, ແຂ່ງຂັນໂຄສົກ ເຍົາວະຊົນເມືອງນາກາຍ, ແຂ່ງຂັນໂຊຊຸດຊົນເຜົ່າ, ເຍົາວະຊົນເມືອງໄຊບົວທອງ,  ແຂ່ງຂັນແຕ້ມຮູບ ເຍົາວະຊົນ ມຕ ໜອງບົກ, ແຂ່ງຂັນເປົ່າແຄນ ເຍົາວະຊົນ ມສ ດອນຂຽວ, ແຂ່ງຂັນຖາມ-ຕອບວິທະຍາສາດ ເຍົາວະຊົນເມືອງທ່າແຂກ ແລະ ແຂ່ງຂັນກິລາເປຕັງ ເຍົາວະຊົນເມືອງບົວລະພາ.

ທັງໝົດກິດຈະກຳເຫຼົ່ານີ້ ກໍ່ເພື່ອເປັນການສ້າງທັກສະຄວາມຮູ້ ແລະ ຄວາມສາມາດ ຂອງນ້ອງນ້ອຍເຍົາວະຊົນແຕ່ລະພາກສ່ວນ ໄດ້ຮຽນຮູ້, ກ້າຄິດ, ກ້າເຮັດ ກ້າສະແດງອອກ ສ້າງໃຫ້ເຂົາເຈົ້າມີຄວາມສາມັກຄີຊ່ວຍເຫຼືອເຊິ່ງກັນ ແລະ ກັນ ພ້ອມນັ້ນກໍ່ເປັນການສຶກສາອົບຮົມໃຫ້ເຂົາເຈົ້າຫ່າງໄກຈາກສິ່ງເສບຕິດຕ່າງໆ ພາຍໃຕ້ຫົວຂໍ້ທີ່ວ່າ: ເຍົາວະຊົນຍຸກໃໝ່ຫ່າງໄກຢາເສບຕິດເປັນມິດຕໍ່ສິ່ງແວດລ້ອມ. ກິດຈະກໍາ ແລະ ການແຂ່ງຂັນໄດ້ດໍາເນີນມາເປັນເວລາ 3 ວັນ ກໍ່ໄດ້ມີພິທີປິດຢ່າງເປັນທາງການໃນ ວັນທີ 15 ກຸມພາ 2018 ນີ້, ໂດຍພາຍໃຕ້ການເປັນປະທານຂອງ ທ່ານ ສິນທະສອນ ມະຫາໂຄດ ເຈົ້າເມືອງໆໜອງບົກ, ທ່ານ ປອ ແກ້ວອຸດອນ ບຸດສິງຂອນ ກຳມະການສູນກາງຊາວໜຸ່ມ ເລຂາຄະນະບໍລິຫານງານຊາວໜຸ່ມແຂວງ ມີບັນດາການນຳຂັ້ນເມືອງ ມີບັນດາສະມາຊິກຊາວໜຸ່ມ-ເຍົາວະຊົນເຂົ້າ ຮ່ວມຢ່າງເປັນຂະບວນ. ໃນພິທີໄດ້ມີການມອບທຸງເຍົາວະຊົນໃຫ້ແກ່ເມືອງເຊບັ້ງໄຟ ເພື່ອກະກຽມເປັນເຈົ້າພາບໃນງານຕັ້ງຄ້າຍເຍົາວະຊົນ ຄັ້ງທີ XIII ທົ່ວແຂວງຄໍາມ່ວນ ໃນຄັ້ງຕໍ່ໄປ.

ວິດີໂອ

ເວັບໄຊຕ່າງໆ

                     ເວັບໄຊອື່ນໆ

ຮູບພາບ

ປະຕິທິນ

July 2019
Mo Tu We Th Fr Sa Su
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

ສະຖານທີ່ທ່ອງທ່ຽວຂອງແຂວງ

ສະຖານທີ່ທ່ອງທ່ຽວທາດເມືອງເກົ່າ
ສະຖານທີ່ທ່ອງທຽວຂຸນກອງແລ
ແຄມຂອງຍາມແລງເມືອງທ່າແຂກ
ສະຖານທີ່ທ່ອງທ່ຽວເຊບັ້ງໄຟ
ສະຖານທີ່ທ່ອງທ່ຽວທ່າຝຣັ່ງ
ສະຖານທີ່ທ່ອງທ່ຽວຖໍ້າພະອິກ
ສະຖານທີ່ທ່ອງທ່ຽວຖໍ້າພະປາຜາ
ສະຖານທີ່ທ່ອງທ່ຽວຖໍ້ານາງແອ່ນ
ສະຖານທີ່ທ່ອງທ່ຽວຖໍ້າກອງລໍ
ກໍາແພງຍັກ
ພະຍານາກຈໍາລອງໜ້າວັດນາໂບ


ສະຫງວນລິຂະສິດ© ຫ້ອງວ່າການແຂວງຄຳມ່ວນ 

ທີ່ຢູ່: ບ້ານ ໂພນສະໜາມ, ເມືອງ ທ່າແຂກ, ແຂວງ ຄຳມ່ວນ ຖະໜົນ: ວຽງຈັນ. ໂທ: (856-51) 212088  ແຟັກ: (856-51) 212307