ວັນທີ 28 ກັນຍາ 2018 ທີ່ຜ່ານມານີ້ ໄດ້ຈັດພິທີມອບໃບຢັ້ງຢືນ 4 ບຸກ ໃຫ້ໜ່ວຍຊາວໜຸ່ມທະນາຄານສົ່ງເສີມກະສິກຳ ສາຂາແຂວງຄຳມ່ວນ ປີທີ 3 ຂຶ້ນຢ່າງເປັນທາງການ ຢູ່ທີ່ຫ້ອງປະຊຸມຂອງທະນາຄານດັ່ງກ່າວ ພາຍໃຕ້ການເປັນປະທານຂອງທ່ານ ແກ້ວວຽງໄຊ ວໍລະປັນຍາ ເລຂາໜ່ວຍຊາວໜຸ່ມ; ເປັນກຽດເຂົ້າຮ່ວມໃນພິທີຄັ້ງນີ້ໂດຍ ທ່ານ ນາງ ອາລີ ບົວຈູມ ຮອງເລຂາຄະນະບໍລິຫານງານຊາວໜຸ່ມແຂວງ ສະມາຊິກສະພາແຫ່ງຊາດ; ທ່ານ ບຸນອ້ອມ ອິນທະວົງສາ ເລຂາໜ່ວຍພັກ ຫົວໜ້າທະນາຄານສົ່ງເສີມກະສິກຳ ສາຂາແຂວງຄຳມ່ວນ, ຕາງໜ້າອົງການຈັດຕັ້ງມະຫາຊົນ ພ້ອມດ້ວຍສະມາຊິກຊາວໜຸ່ມ ເຂົ້າຮ່ວມທັງໝົດ 29 ຄົນ, ຍິງ 20 ຄົນ.

 

        ໃນພິທີ ທ່ານ ແກ້ວວຽງໄຊ ວໍລະປັນຍາ ເລຂາໜ່ວຍຊາວໜຸ່ມ ກໍ່ໄດ້ຂຶ້ນຜ່ານບົດສະຫຼຸບການຈັດ ຕັ້ງປະຕິບັດເນື້ອໃນຂໍ້ແຂ່ງຂັນ 4 ບຸກ ພາຍໃນໜ່ວຍ ເຊິ່ງໃນນັ້ນທ່ານກໍ່ຍັງໄດ້ຍົກໃຫ້ເຫັນເຖິງຜົນງານການຈັດຕັ້ງປະຕິບັດເນື້ອໃນຂໍ້ແຂ່ງຂັນ 4 ບຸກ ຂອງຊາວໜຸ່ມ ໂດຍຕິດພັນກັບການຈັດຕັ້ງປະຕິບັດໜ້າທີ່ວຽກງານວິຊາສະເພາະຂອງແຕ່ລະສະຫາຍໃນແຕ່ລະຂະແໜງການເຊິ່ງໃນນັ້ນແຕ່ລະດ້ານສາມາດຕີລາຄາຈັດປະເພດໄດ້ຄື:

    1. ດ້ານການເມືອງ - ແນວຄິດ  ສາມາດຈັດຕັ້ງປະຕິບັດໄດ້ 90%.

    2. ດ້ານການຝຶກຝົນຫຼໍ່ຫຼອມຮໍ່າຮຽນ  ສາມາດຈັດຕັ້ງປະຕິບັດໄດ້ 90%.

    3. ດ້ານການຈັດຕັ້ງ  ສາມາດຈັດຕັ້ງປະຕິບັດໄດ້ 90%.

    4. ດ້ານວິຊາຊີບ-ສ້າງວຽກເຮັດງານທຳ  ສາມາດຈັດຕັ້ງປະຕິບັດໄດ້ 90%.

        ຈາກນັ້ນກໍ່ໄດ້ມອບໃບຢັ້ງຢືນ 4 ບຸກ ປີທີ 3 ໃຫ້ໜ່ວຍຊາວໜຸ່ມທະນາຄານສົ່ງເສີມກະສິກຳ ສາຂາແຂວງຄຳມ່ວນ ເຊິ່ງເປັນກຽດມອບໂດຍ ທ່ານ ນາງ ອາລີ ບົວຈູມ ແລະ ມອບໃບຢັ້ງຢືນ 4 ບຸກ ໃຫ້ສະມາຊິກຊາວໜຸ່ມ,ໃນຕອນທ້າຍຂອງພິທີ ຍັງໄດ້ຮັບຟັງການໂອ້ລົມຂອງ ທ່ານ ນາງ ອາລີ ບົວຈູມ ຮອງເລຂາຄະນະບໍລິຫານງານຊາວໜຸ່ມແຂວງ ສະມາຊິກສະພາແຫ່ງຊາດ ເຊິ່ງກ່ອນອື່ນທ່ານກໍ່ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານການເຄື່ອນໄຫວໃນໄລຍະຜ່ານມາ ຈົນສາມາດສ້າງໃຫ້ໜ່ວຍກາຍເປັນໜ່ວຍຊາວໜຸ່ມ 4 ບຸກ ຂອງຄະນະຊາວໜຸ່ມ ປະຊາຊົນ ປະຕິວັດລາວ ປີທີ 3 ພ້ອມດຽວກັນນັ້ນທ່ານກໍ່ຍັງໄດ້ເນັ້ນໜັກໃຫ້ບັນດາສະຫາຍສະມາຊິກຊາວໜຸ່ມຈົ່ງພ້ອມກັນຈັດຕັ້ງປະຕິບັດເນື້ອໃນຂໍ້ແຂ່ງຂັນ 4 ບຸກ ຂອງຊາວໜຸ່ມລາວໄປຄຽງຄູ່ກັບການຈັດຕັ້ງປະຕິບັດໜ້າທີ່ວຽກງານວິຊາສະເພາະໃນແຕ່ລະຂົງເຂດວຽກງານໃຫ້ສຳເລັດຕາມແຜນການທີ່ວາງໄວ້ ເພື່ອພ້ອມກັນຮັກສາມູນເຊື້ອຊາວໜຸ່ມ 4 ບຸກ ໃຫ້ຢູ່ຄູ່ກັບໜ່ວຍຊາວໜຸ່ມທະນາຄານສົ່ງເສີມກະສິກຳ ສາຂາແຂວງຄຳມ່ວນ ຕະຫຼອດໄປ.

ເວັບໄຊຕ່າງໆ

                     ເວັບໄຊອື່ນໆ

ຮູບພາບ

ສະຖານທີ່ທ່ອງທ່ຽວຂອງແຂວງ

ສະຖານທີ່ທ່ອງທ່ຽວທາດເມືອງເກົ່າ
ສະຖານທີ່ທ່ອງທຽວຂຸນກອງແລ
ແຄມຂອງຍາມແລງເມືອງທ່າແຂກ
ສະຖານທີ່ທ່ອງທ່ຽວເຊບັ້ງໄຟ
ສະຖານທີ່ທ່ອງທ່ຽວທ່າຝຣັ່ງ
ສະຖານທີ່ທ່ອງທ່ຽວຖໍ້າພະອິກ
ສະຖານທີ່ທ່ອງທ່ຽວຖໍ້າພະປາຜາ
ສະຖານທີ່ທ່ອງທ່ຽວຖໍ້ານາງແອ່ນ
ສະຖານທີ່ທ່ອງທ່ຽວຖໍ້າກອງລໍ
ກໍາແພງຍັກ
ພະຍານາກຈໍາລອງໜ້າວັດນາໂບ


ສະຫງວນລິຂະສິດ© ຫ້ອງວ່າການປົກຄອງແຂວງຄຳມ່ວນ 

ທີ່ຢູ່: ບ້ານ ໂພນສະໜາມ, ເມືອງ ທ່າແຂກ, ແຂວງ ຄຳມ່ວນ ຖະໜົນ: ວຽງຈັນ. ໂທ: (856-51) 212088  ແຟັກ: (856-51) 212307