ກອງປະຊຸມວິສາມັນຄົບຄະນະບໍລິຫານງານຊາວໜຸ່ມແຂວງຄຳມ່ວນ ຄັ້ງທີ 4 ສະໄໝທີ VII ໄດ້ເປີດຂຶ້ນຢ່າງເປັນທາງການ ໃນວັນທີ 4 ກໍລະກົດ 2018 ນີ້, ຢູ່ທີ່ຫ້ອງປະຊຸມນ້ອຍຊັ້ນ 02 ຫ້ອງວ່າການປົກຄອງແຂວງ ໂດຍການເປັນປະທານຂອງ ທ່ານ ນາງ ວົງພະຈັນ ສີບຸນເຮືອງ ເລຂາຄະນະບໍລິຫານງານຊາວໜຸ່ມແຂວງ ມີບັນດາສະຫາຍໃນຄະນະປະຈຳຄະນະບໍລິຫານງານຊາວໜຸ່ມແຂວງ, ເລຂາຄະນະບໍລິຫານງານຊາວໜຸ່ມເມືອງ, ບັນດາທ່ານຫົວໜ້າຂະແໜງພາຍໃນຫ້ອງການຊາວໜຸ່ມແຂວງ ເຂົ້າຮ່ວມ 26 ສະຫາຍ, ຍິງ 9 ສະຫາຍ.

       ກອງປະຊຸມ ທ່ານ ເຫຼັງຄຳ ໄຊຄຳຜັນ ຄະນະບໍລິຫານງານຊາວໜຸ່ມແຂວງ ຫົວໜ້າຫ້ອງການຊາວໜຸ່ມແຂວງ ໄດ້ຂຶ້ນຜ່ານຮ່າງບົດສະຫຼຸບຕີລາຄາ ການເຄື່ອນໄຫວວຽກງານຊາວໜຸ່ມ-ເຍົາວະຊົນ ທົ່ວແຂວງ ໄລຍະ 6 ເດືອນຕົ້ນປີ ແລະ ທິດທາງ 6 ເດືອນທ້າຍປີ 2018, ຜ່ານໂຄງຮ່າງການດຳເນີນງານການປະເມີນຈຸດສຸມຫຼັງຄັງ ເມືອງບົວລະພາ ແລະ ຈຸດສຸມປ່າໜາມ ເມືອງມະຫາໄຊ ປະກາດຕົວເມືອງນ້ອຍໃນຊົນນະບົດ; ຈາກນັ້ນ, ປະທານກອງປະຊຸມໄດ້ນຳພາບັນດາຜູ້ແທນກອງປະຊຸມຄົ້ນຄວ້າ, ປຶກສາຫາລື ບັນດາໜ້າວຽກຈຸດສຸມໃນ 6 ເດືອນທ້າຍປີ 2018 ເຊິ່ງປະກອບດ້ວຍບັນດາໜ້າວຽກທີ່ສຳຄັນດັ່ງນີ້: ການດຳເນີນກອງປະຊຸມໃຫຍ່ຂັ້ນເມືອງ ແລະ ຮາກຖານ-ໜ່ວຍຊາວໜຸ່ມອ້ອມຂ້າງແຂວງ; ການກະກຽມດຳເນີນກອງປະຊຸມໃຫຍ່ ຄັ້ງທີ III ຂອງສະມາຄົມນັກທຸລະກິດໜຸ່ມແຂວງ; ການກໍ່ສ້າງໂຮງຮຽນປະຖົມບ້ານໜອງກຸ້ງ ເມືອງບົວລະພາ ເປັນໂຮງຮຽນມິດຕະພາບຄຳມ່ວນ-ກວາງຫງາຍ; ການປັບປຸງການຈັດຕັ້ງຂະຫຍາຍສະມາຊິກຊາວໜຸ່ມເປົ້າໝາຍບ້ານ 3 ສ້າງ ໃນ 57 ບ້ານທົ່ວແຂວງ; ປັບປຸງການຈັດຕັ້ງໃນ ຄະນະບໍລິຫານງານຊາວໜຸ່ມແຂວງ ສະໄໝທີ VII ໃນນັ້ນຈະໄດ້ພ້ອມກັນຮັບຮອງເອົາຄະນະປະຈຳຄະນະບໍລິຫານງານຊາວໜຸ່ມແຂວງ 1 ສະຫາຍ, ຮັບຮອງເອົາຄະນະ ເລຂາຄະນະບໍລິຫານງານຊາວໜຸ່ມແຂວງ ຈຳນວນ 2 ສະຫາຍ ແລະ ຮັບຮອງເອົາ ປະທານກວດກາ ຮອງປະທານກວດກາ ແລະ ກຳມະການພ້ອມດ້ວຍບັນດາໜ້າວຽກຕ່າງໆ.

          ຫຼັງຈາກນັ້ນ ບັນດາສະຫາຍຜູ້ແທນໄດ້ພັດປ່ຽນກັນປະກອບຄຳຄິດຄຳເຫັນ ລົງເລິກຄົ້ນຄ້ວາ ຕີລາຄາຢ່າງພາວະວິໃສຕໍ່ກັບການຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນຊາວໜຸ່ມທົ່ວແຂວງ ໄລຍະກາງສະໄໝ ກໍ່ຄືມະຕິກອງປະຊຸມສາມັນຄົບຄະນະບໍລິຫານງານຊາວໜຸ່ມແຂວງ ຄັ້ງທີ 4 ສະໄໝທີ VII ແລະ ບັນດາວຽກງານຈຸດສຸມສຳຄັນຮີບດ່ວນຈຳນວນໜື່ງ ໂດຍສະເພາະໄດ້ສຸມໃສ່ບັນດາໜ້າວຽກຕ່າງໆຢ່າງຕັ້ງໜ້າແລະມີຄວາມຮັບຜິດຊອບສູງ, ການລົງກໍ່ສ້າງຮາກຖານການເມືອງຕາມ 4 ເນຶ້ອໃນ 4 ຄາດໝາຍ, ວຽກ 3 ສ້າງ, ໄດ້ຫັນເອົາ 4 ບຸກທະລຸແລະຂໍ້ແຂ່ງຂັນ “ ຮັກຊາດແລະພັດທະນາ “ ຂອງພັກມາເປັນ 4 ບຸກຂອງຄະນະຊາວໜຸ່ມແລະ 3ດີ 4ຮູ້ ຂອງເຍົາວະຊົນຢ່າງຕໍ່ເນືອງແລະເປັນຮູບປະທຳເພື່ອພ້ອມກັນນຳໄປຈັດຕັ້ງປະຕິບັດໃນຕໍ່ໜ້າໃຫ້ບັນລຸຜົນສຳເລັດຕາມຄາດໝາຍສູ້ຊົນຂອງມະຕິກອງປະຊຸມໃຫຍ່ ຜູ້ແທນຊາວໜຸ່ມທົ່ວແຂວງຄັ້ງທີ VII ໄດ້ວາງໄວ້.

ວິດີໂອ

ເວັບໄຊຕ່າງໆ

                     ເວັບໄຊອື່ນໆ

ຮູບພາບ

ສະຖານທີ່ທ່ອງທ່ຽວຂອງແຂວງ

ສະຖານທີ່ທ່ອງທ່ຽວທາດເມືອງເກົ່າ
ສະຖານທີ່ທ່ອງທຽວຂຸນກອງແລ
ແຄມຂອງຍາມແລງເມືອງທ່າແຂກ
ສະຖານທີ່ທ່ອງທ່ຽວເຊບັ້ງໄຟ
ສະຖານທີ່ທ່ອງທ່ຽວທ່າຝຣັ່ງ
ສະຖານທີ່ທ່ອງທ່ຽວຖໍ້າພະອິກ
ສະຖານທີ່ທ່ອງທ່ຽວຖໍ້າພະປາຜາ
ສະຖານທີ່ທ່ອງທ່ຽວຖໍ້ານາງແອ່ນ
ສະຖານທີ່ທ່ອງທ່ຽວຖໍ້າກອງລໍ
ກໍາແພງຍັກ
ພະຍານາກຈໍາລອງໜ້າວັດນາໂບ


ສະຫງວນລິຂະສິດ© ຫ້ອງວ່າການປົກຄອງແຂວງຄຳມ່ວນ 

ທີ່ຢູ່: ບ້ານ ໂພນສະໜາມ, ເມືອງ ທ່າແຂກ, ແຂວງ ຄຳມ່ວນ ຖະໜົນ: ວຽງຈັນ. ໂທ: (856-51) 212088  ແຟັກ: (856-51) 212307